Laurin, 78
stima la survesaivladad a Tusaun
Jau vi restar fit ed independent. Dal reminent è mes bab gia ì mintga di a lavurar cun quest velo, mintgatant schizunt er en baselgia. Jau dovr el oz per tut mias cumissiuns en il vitg e las cumpras porta era mes velo. La zona da tempo 30 en il center dal vitg e las vias da velos marcadas èn impurtantas per nus tuts. Uschia è la situaziun pli survesaivla ed jau ma sent bler pli segir. Bainbaud hai lura era parcadis da velos davant tut las butias. Quai fiss bel.
Quai che Laurin dovra
-
La finamira principala da la reducziun dal traffic è d'augmentar la segirezza e da meglierar la qualitad da viver en regiuns urbanas e ruralas. Quai pon ins cuntanscher cun introducir limitas da tempo, extender inslas da traffic, augmentar las zonas da peduns e vias da velos sco era cun stgaffir zonas cun damain traffic.
-
In curs da velo augmenta la segirezza en il traffic e promova la sanadad e mobilitad per persunas da tut las vegliadetgnas. Curs da velo pussibiliteschan da survegnir e d'augmentar la segirezza, da reducir temas e da rinforzar la fidanza en il diever dal velo en il mintgadi. Contactai nus, sche Vus sco scola u vischnanca vulais porscher curs da velo.
-
Marcaziuns per terra èn per regla realisadas en furma da strivlas u cuvridas da colur e marcheschan a moda clera e visibla il decurs da la via da velos. Ellas gidan ciclist:as a s'orientar sin via ed augmentan considerablamain la segirezza cun separar il traffic da velos dals auters participants al traffic. Marcaziuns per terra èn ina pitga impurtanta d'ina infrastructura da velo signalisada bain e segira.