A Lai vegn famiglia Affolter a moda segira dad in lieu a l'auter
Nus passentain fitg bler temp en nossa abitaziun da vacanzas. Sche pussibel essan nus era qua adina da viadi cun il velo. Noss uffants han perfin emprendì qua d'ir cun velo. Ussa ch'els èn in zic pli gronds giudain nus era lur independenza. Els pon uss er ir sulets cun il velo en il bogn u en il Volg. Vias da velos segiras ch'èn sche pussibel separadas da las vias dals autos e signalisaziuns cleras èn per nus dentant ina premissa fundamentala per che nus possian restar lucs. Cun in bikesharing nuncumplitgà midassan er noss giasts adina pli savens il med da transport.
Quai che famiglia Affolter dovra
-
Ina buna signalisaziun da vias da velos duess esser clera, chapibla e bain visibla. Ella duess signalisar a moda clera e senza interrupziuns il decurs da la via da velos ed infurmaziuns impurtantas sco la distanza, las direcziuns e las reglas da traffic. Signalisaziuns en colur e simbols gidan ultra da quai a differenziar vias da velos dad autras vias da traffic e da sensibilisar automobilist:as per il fatg che la via è previsa era per aut:ras participant:as al traffic.
-
Il bikesharing è in sistem, en il qual ina cuminanza parta ils velos. Utilisad:ras pon emprestar velos per in curt temp ed ir per els e turnar els en differents lieus. Il meglier vi da questa soluziun è l'opziun da mobilitad cumadaivla, ecologica e bunmartgada che reducescha colonnas, schanegia l'ambient e promova la sanadad.
-
Vias da velos separadas èn statgadas fisicamain dal vial per vehichels a motor. Savens vegnan quellas vias separadas dal traffic d'autos cun saivs directivas u strivlas verdas u ch'ellas passan independentamain dal percurs da la via. Questa separaziun augmenta la segirezza per ciclist:as, perquai ch'els n'èn betg pli exponids a tantas situaziuns da traffic privlusas. Vias da velos separadas augmentan perquai la mobilitad dal velo e contribueschan considerablamain a la segirezza dal traffic.