En Surselva è Corina, 17, da viadi cun il velo ed il traffic public
Dapi che jau sun vegnida sin l'idea da simplamain prender mes mountainbike ed ir cun quel a la staziun, na ston mes geniturs betg pli manar mai a la staziun, cura che jau vom cun il tren en la scola professiunala u vegnir per mai, cura che jau turn a chasa. L’organisaziun è adina stada mega cumplitgada. Ussa sun jau mobila e perfin da viadi a moda favuraivla al clima. Quai chat jau super. Bainbaud survegnin nus er ina nova susta a la staziun e per velos electrics datti ina staziun da chargiar. Jau ma dumonda propi, pertge che jau n'hai betg gia fatg quai pli baud.
Quai che Corina dovra
-
Bike and rail cumbinescha l'ir cun velo ed il traffic public, betg mo per activitads turisticas, ma era per la via a la lavur u a scola. Il concept vegn sustegnì cun divers indrizs spezials a las staziuns, per exempel parcadis da velos u velos per emprestar per uschia facilitar la midada dal velo al traffic public.
-
Per augmentar l'attractivitad dal velo en il mintgadi ed en il temp liber e plinavant promover ina mobilitad persistenta duain las vias principalas en il Grischun vegnir concepidas a moda pli adattada per velos. Actualmain datti bler memia paucas vias da velos segiras sin axas da traffic principalas. Quai n'è betg mo impurtant per il turissem, mabain era per il traffic da velos dal mintgadi, perquai che questas vias èn per regla las colliaziuns las pli sveltas.
-
Aspects impurtants per parcadis da velos èn la segirezza, l'accessibladad ed il confort. Els duessan esser protegids d'enguladitschs e da l'aura, esser bain accessibels ed illuminads bain. Plinavant duessan ils parcadis porscher avunda plazza ed in'infrastructura adattada per pudair deponer ils velos a moda segira. Plinavant èn decisivas l'integraziun en la circulaziun dal traffic e la distanza da la destinaziun.